Viva Las Vegas
Hallo Fruende, Familie und soettig wos gern waeret...
Die 16 Stund fluege sind wie im Flug vergange :-) Trotz de 2 stuendige verspoetig bim Abflug in Washington D.C. waege uslaeufer vom Sturm Dean. De haet scho waehrendem Aaflug fuers Schuettelbaecher-Feeling gsorgt, aber mir haend s Esse bi ues bhalte choene.
Sind schlussendlich aber guet in Las Vegas glandet. Es traumhafts Liechtermeer wie mer sichs wuerkli chum vorstelle chan haet ues bim Aaflug die 2 Stund vo Washington grad wider vergaesse lah. Doch wo mir de Flughafe denn verlah haend haemmer gmeint das mer imene Foehn ine hocket.... Mir glaubet au jetzt no das ines paar Taeg da d Sauna-Waeltmeischterschafte stattfindet. Es isch unglaublichi 42 Grad (Celsius fuer die wos gnau naehmet, gaell Roger :-) )
Da in Vegas isch alles extrem uebertribe, seigs die viele Liechter, Casinos, ueberdimensionale Hotels, d Autos wie au die gmachte Bruescht vo de Fraue. Haend huet morge mal chli de Las Vegas Boulevard unsicher gmacht und sind beidruckt gsi vo dene verschiedene Hotels und attraktione wos da haet.
Leider haemmer no kei Moeglichkeit Fotene ufezlade aber die werdet zumene spoetere Ziitpunkt no folge....
Zum Schluss bliibt ues nur no z saege das mer gsund und gfraes sind und d Ziit total gnuesset.....
Drum wuenschet mer no es schoens Taegli und bis bald
Gruessli
Rene und Urs
PS: Mir wuenschet am Mike no alles Gueti zum Geburtstag!!!!
4 Kommentare:
Morgen Stund hat Gold im Mund...obwohl ich nid mal annähernd a Las Vegas hane cho bin, find ich das en glungne und passende Spruch zu euere Sitation uf der Achterbahn. Wünsche eu no en schöne Tag oder besser mal e gueti Nacht.
Und zum Schluss noch dies...
SMI:
22.08.07 (8'714.59 / +1.29%)
Wetter:
Norden: In der Nacht wechselnd bewölkt und einzelne Regengüsse. Am Donnerstagmorgen im Mittelland ein paar Nebelfelder, sonst recht sonnig. Am Nachmittag zunehmend Quellwolken und gegen Abend über den Bergen örtlich Regengüsse möglich. Temperaturen am frühen Morgen 11 bis 13 und tagsüber 21 bis 24 Grad. Nullgradgrenze auf 3200 Meter steigend.
hoi zaeme,
Schuettelbaecher und gmachti bruescht toent doch schomal guet! *nidischbin* ;-)
Aber 42 Grad isch jo scho grad chli übertribe. Gaebed Bsheid wenner ales verspielt haend, ueberwiise eu daen 20$ für Schuebuzzueg! =)
Ich hoffe ihr naemed de schwarzi jack nochli us und gnüssed s'Bad im warme Liechtermeer!
freu mi scho uf neui Text.
gruz zillig
sans griesst freunde
gestern im abart, an der alternative nation (haha *smile*), haben wir übers weitere treiben von euch philosophiert. bald solltet ihr ja auf achse sein...nun noch einen tipp vom kamerad hungäbühler und mir...kauft euch bevor ihr mit dem cabriolet durch die wüsten zieht noch einen "fliegentätscher" damit ihr den angrifflustigen fledermäusen parole bieten könnt. ich wünsche euch weiterhin viel spass...und freue mich natürlich auf die ersten bilder und neue berichte.
und zum schluss noch das übliche ;o)
SMI:
24.Aug. 07 -> 8'775.90 / +0.43%
Wetter:
Heute Samstagmorgen lokal ein paar Nebel- oder Hochnebelbänke, ansonsten sonnig mit harmlosen Quell- und Schleierwolken. Temperaturen am frühen Morgen 11 bis 16 und tagsüber 26 bis 28 Grad. Nullgradgrenze auf 4100 Meter steigend.
sonja
eure blog isch genial! wird sicher immer mol wieder ineluege und schmunzle :-)
Hoffe es chömet immer wieder reisebricht. wünsch eu viel glück und gnüssets!
sonja
Kommentar veröffentlichen